பாத்திரங்களை நிர்வகிப்பது

 

 

வழக்கமாக நடக்கும் Agora Speakers கிளப் சந்திப்புகள் அனைத்தும் முறையாக ஒழுங்கமைக்கப்பட்டவை, அதாவது அவர்கள் பெரும்பாலும் ஒரே முறையை பின்பற்றுகிறார்கள், அவர்கள் எந்த கிளப்பிற்கு சென்றாலும் உறுப்பினர்கள் நிலையான அனுபவம் பெறுவதை உறுதி செய்ய அதே பாத்திரங்களை இடம்பெறச் செய்கிறார்கள், ஏனெனில் இந்த வடிவமானது பரிசோதனை செய்யப்பட்டு, உண்மையில் பலன் தரக்கூடியது என்று நிரூபிக்கப்பட்டது. இருப்பினும், கிளப்புகள் புதுமையான சில விஷயங்களை முயற்சி செய்து பார்க்கலாம், அதாவது வேறு பாத்திரங்களைச் சேர்க்கலாம், வரிசையை மாற்றலாம், அதில் எந்தக் கட்டுப்பாடுகளும் இல்லை. பொதுவாக ஒரு சந்திப்பு எப்படி நடக்கிறது என்பதற்கான விரிவான விளக்கத்திற்கு கிளப் சந்திப்புகள் என்கிற பிரிவுகளைப் பார்வையிடவும்.

யார் எந்தப் பாத்திரத்தை வகிப்பார்கள் என்பதை எப்படி முடிவு செய்வது?

உறுப்பினர் ஒவ்வொருவரும் அவர் விரும்பும் எந்தப் பாத்திரத்தையும் பங்கெடுத்து அதனை சிறப்பாக செய்யலாம், மேலும் Agora Speakers இந்தப் பாத்திரங்களில் பங்கெடுப்பதற்கு கட்டுப்பாடுகளையோ, தேவைகளையோ விதிக்கவில்லை. பொதுவான பரிந்துரை என்னவென்றால், இலவசமாக இருக்கும் வரை, உறுப்பினர்கள் அடுத்த சந்திப்பு(களு)க்கு தாங்கள் விரும்பும் பாத்திரங்களை வகிக்க தானாக முன்வந்து பதிவு செய்ய வேண்டும் என்பதுதான்.

இருப்பினும், பாத்திரங்களுக்கான தேவைகளை தீர்மானிப்பதில் கிளப்புகளுக்கு சுதந்திரம் உள்ளது. இதில் இருக்கும் வரம்பாக ஒருவர் காணக்கூடிய விஷயம் என்னவென்றால், சொற்பொழிவு செயல்திட்டங்களைச் செய்ய விரும்பும் உறுப்பினர்கள் அந்த சந்திப்பிற்கு முன் பிற பாத்திரங்களில் தானாக முன்வந்து பங்கெடுத்திருக்க வேண்டும்.

எல்லாரும் எல்லா பாத்திரங்களும் வகிப்பதற்கான வாய்ப்பை வழங்குவதற்கும், ஒவ்வொரு பாத்திரத்திலும் இருக்கும் தனித்துவமான சவால்களை அனுபவிப்பதற்கும் அடுத்தடுத்த சந்திப்புகளில் அதே பாத்திரங்களை மீண்டும் செய்ய பரிந்துரைக்கப்படவில்லை. மேலும், ஒரு கிளப்பில் மொழி இலக்கணவாதி, நேரம் கண்காணிப்பாளர் அல்லது சந்திப்பு தலைவராக இருப்பவர் எப்போதும் அதே நபராக இருப்பதைத் தவிர சலிப்பான விஷயம் எதுவுமில்லை.

யாராவது வரவில்லை என்றால் என்னவாகும்?

 

சந்திப்பில் ஒரு பாத்திரம் வகிக்கக்கூடிய நபர் சந்திப்பிற்கு வராமல் இருப்பது நாம் கேள்விப்படாத விஷயம் ஒன்றுமல்ல.

உங்களால் சந்திப்பில் கலந்து கொள்ள இயலாமல் போகும் என்றால், சந்திப்பில் கலந்துக் கொள்வார்கள் என்று உங்களுக்குத் தெரிந்த நபரிடம் பேசி, அவரால் உங்களுடைய பாத்திரத்தை வகிக்க முடியுமா என்று கேட்டுப் பார்ப்பது பரிந்துரைக்கப்படுகிறது. உங்களுக்கு யாரையும் தெரியாவிட்டால், உங்கள் கிளப்பில் கல்வி துறைக்கான துணைத் தலைவர் அல்லது சந்திப்புத் தலைவரிடம் அந்த சந்திப்பில் உங்களால் கலந்து கொள்ள இயலாது என்று தெரியப்படுத்திவிடவும்.

ஒரு சந்திப்பில், ஏதேனும் பாத்திரத்தை வகிக்கும் ஒரு நபர் முன் அறிவிப்பு இல்லாமல் வரவில்லை என்றால், அதற்கான மாற்று நபர்களைக் கண்டுபிடிப்பது பொதுவாக சந்திப்புத் தலைவரின் பொறுப்பாகும்.

இருப்பினும், சில பாத்திரங்களை அவ்வாறு செய்ய முடியாது (அவ்வாறு செய்யக்கூடாது), அத்தகைய பாத்திரங்கள்:

• தயார் செய்த சொற்பொழிவை வழங்கும் பேச்சாளர்
• சொற்பொழிவு எழுதுதலின் தலைவர்
• இன்று நாம் பார்வையிட இருப்பது ... என்பதன் பேச்சாளர்
• பயிற்சி பட்டறையின் தலைவர்
• உடனடித் தலைப்பு சொற்பொழிவின் பங்கேற்பாளர்

மேலே உள்ள பாத்திரங்களுக்கு குறிப்பிடத்தக்க தயாரிப்பும், ஆராய்ச்சியும் தேவை, எனவே அந்தப் பாத்திரத்திற்கு உடனே தயாராக முடியாது. உறுப்பினர் இந்தப் பாத்திரங்களில் ஒன்றை சமீபத்தில் வேறொரு கிளப்பில் செய்திருந்து, அவர்களின் நினைவில் எல்லாம் அப்படியே மறக்காமல் இருக்கும் அதிர்ஷ்டமான சூழ்நிலை ஏற்பட்டால் தவிர. எனவே நிகழ்ச்சி நிரலில் இருந்து அந்தப் பகுதியை நீக்கி விடுவது நல்லது.